ИРГЭНИЙ ТАНХИМ-МЭДЭЭ МЭДЭЭЛЭЛ
Аймгийн ИТХ-ын ажлын алба, Дундговь аймгийн анхан болон давж заалдах шатны шүүхтэй хамтран сумдын ИТХ-ын дарга, нарийн бичгийн дарга нарт мэдээ мэдээлэл өгч ажиллалаа. Шүүхийн тамгын газрын ажилтан н.Бат-Эрдэнэ “Шүүхэд мэдүүлэх эрх”-ийн талаар мэдээлэл өглөө. Мөн Швейцарын хөгжлийн агентлагийн санхүүгийн дэмжлэгээр Засгийн газрын Хэрэг эрхлэх газарт хэрэгжиж байгаа “Нутгийн өөрөө удирдах байгууллагын институцийн чадавхыг бэхжүүлэх төсөл”-ийн хүрээнд аймаг, нийслэл, сум, дүүргийн нийт 360 иргэдийн Төлөөлөгчдийн Хурлын дунд мэдээлэл, туршлага, практик, мэдлэгээ солилцох гол дижитал платформ болох www.khural.mn цахим хуудсыг хөгжүүлэх, шинэчлэх, засвар үйлчилгээ хийх ажлыг гүйцэтгэж байгаа билээ. Сумын иргэдийн Төлөөлөгчдийн Хурлын нарийн бичгийн дарга нарт танилцуулга, зохион байгуулалтын бүтэц, төлөөлөгчийн бүртгэл, хуралдааны тогтоол, мэдээллийг хэрхэн оруулах талаар мэдээ, мэдээллийг өгч сайтыг засварлан сайжруулах, жигдрүүлэх ажлыг хийж гүйцэтгэх талаар аймгийн ИТХ-ын ажлын албаны хэлтсийн дарга Ж.Түмэндэлгэр мэдээлэл хийлээ.
