“Ил тод, хариуцлагатай уул уурхай-Өмнөговь аймгаас” сургалт, хэлэлцүүлгийг 5 сарын 02-ны өдөр зохион байгуулж, иргэд, уул уурхайн компаниуд, төрийн байгууллагын төлөөлөл нийт 140 хүн оролцлоо.
Сургалт, хэлэлцүүлэг нь эрдэс баялагийн салбарын оролцогч талууд, хариуцлагатай уул уурхайн засаглалын ерөнхий ойлголт, стандарт, сайн санаачилга, үр дүнгийн талаар мэдлэг хуваалцах замаар итгэлцэлд суурилсан, түншлэл хамтын ажиллагааг бэхжүүлэх, баримтад тулгуурласан олон талт хэлэлцүүлэг өрнүүлэх, орон нутгийн иргэдийг мэдээллээр хангах зорилготой байлаа.
Энэ үеэр суманд үйл ажиллагаа явуулж буй уул уурхайн компаниуд нээлттэй ажлын байрны мэдээллийг иргэдэд өгч сонирхсон иргэдийг анкет бөглүүлж бүртгэж авах үйл ажиллагаа зохион байгууллаа.
Сургалт, хэлэлцүүлгийг хамтран зохион байгуулсан АМГТГ-ын Говийн бүсийн төлөөлөгчийн газар, “Хил хязгааргүй алхам” ТББ, Монголын Дата Клуб, Монголын Уул уурхайн үндэсний ассоциаци, тусалж дэмжсэн сумын ЗДТГ, Соёлын төв, Эрүүл мэндийн төв, Уул уурхайн компаниудад талархал илэрхийлье.