Сумын ИТХ, Цагдаагийн тасаг, ГХУСАЗСЗ-өөс Согтуурах, мансуурах донтой хүнийг захиргааны журмаар албадан эмчлүүлэх тухай хууль, Гэр бүлийн хүчирхийлэлтэй тэмцэх тухай хууль, Согтууруулах ундааны эргэлтэд хяналт тавих, архидан согтуурахтай тэмцэх тухай хуулийг сурталчлах, иргэдийн хууль эрх зүйн мэдлэгийг дээшлүүлэх зорилгоор "Зөв амьдрал зөвхөн таных" дэвжээ тэмцээнийг зохион байгууллаа.
Тэмцээнд Ерөнхий боловсролын сургууль, ГТУА 67-р анги, 3-р цэцэрлэг, 28-р цэцэрлэг, "Монголын алт" (МАК) ХХК, "Өсөх зоос" ХХК, "Саус гоби сэндс" ХХК, Хилийн цэргийн 0166-р анги, "Баатарван транс" ХХК, "ЕАИ" ХХК нийт 10 баг оролцож Тэргүүн байранд "Өсөх зоос" ХХК-ний баг, дэд байранд "Монголын алт"(МАК) ХХК-ний баг, гутгаар байранд Хилийн цэргийн 0166-р анги, тусгай байранд Ерөнхий боловсролын баг шалгарсан байна.
Хууль сурталчлах арга хэмжээнд оролцсон бүх байгууллагууд, дэмжиж хамтарч ажилласан Шивээ хүрэн гаалийн газар, "Терра экспресс" ХХК, Цагдаагийн тасаг, Соёлын төв, ЗДТГ, Эрүүл мэндийн төвийн хамт олонд талархал илэрхийлье.
