Аймгийн иргэдийн Төлөөлөгчдийн Хурлаас сумдын иргэдийн Төлөөлөгчдийн Хурлын байгууллагын үйл ажиллагааг дэмжих, харилцан туршлага судлуулах зорилгоор сургалт, уулзалт, спортын нөхөрсөг арга хэмжээг уламжлал болгон зохион байгуулдаг.
Уг нэгдсэн арга хэмжээг Ханбогд суманд 05 дугаар сарын 10-12 ны өдрүүдэд зохион байгуулсан бөгөөд сумын ИТХ-ын ажлын алба бүрэлдэхүүнээрээ тус арга хэмжээнд оролцож сургалт арга хэмжээнд хамрагдлаа.
Тус арга хэмжээний хүрээнд Төрийн аудитын газар, Санхүүгийн хяналт дотоод аудитын алба, Орон нутгийн өмчийн газар, Хүнс, хөдөө аж ахуйн газар, Мал эмнэлгийн газар, Газрын харилцаа барилга хот байгуулалтын газрын мэдээллийг сумдын Хурлын дарга, ажлын албаны дарга нарт хүргэж, Монгол Улсын Засгийн газрын Хэрэг эрхлэх газар, Швейцарын хөгжлийн агентлаг хамтран зохион байгуулж буй “Нутгийн өөрөө удирдах байгууллагын институцийн чадавхыг бэхжүүлэх нь” төслөөс сумын ИТХ-ын ажлын албыг чадавхжуулах, төсвийн ил тод байдал, нийгмийн эгэх хариуцлага, бэлчээрийн тогтвортой менежмент, бэлчээрийн менежментэд малын тоо толгойн албан татварын нөлөө гэх мэт сэдвүүдээр сургалт зохион байгууллаа.
Мөн сумын ИТХ-ын ажлын албаны бүрэлдэхүүн Оюу толгой уурхайн үйл ажиллагаа, гүний уурхайн бүтээн байгуулалт, Ханбогд сумын ИТХ, ЗДТГ-ын үйл ажиллагаа, тус сумын хөгжлийн төлөвлөгөөтэй танилцлаа.