Гурвантэс сумын бэлгэдлийн тайлбар

Сумын бэлгэдэл нь давхар онги хэлбэртэй түмэн насан хээтэй, алтан шар хүрээгээр хүрээлэгдсэн оройн хэсэгтээ гурван чандманьтай дунд хэсэгтээ уулс хөвч, газар нутаг, мөнх хөх тэнгэрийг бэлгэдсэн цэнхэр дэвсгэртэй байна.

Тайлбар:

1.    Алтан шар хүрээ нь нарны цацрагийг илэрхийлэх ба хөгжил дэвшил мандан бадрахыг бэлгэднэ.

2.    Давхар онги хэлбэр нь Монгол Улс, Чингис хаан морин туурайгаар дэлхийг тамгалсан түүхийг өгүүлнэ.

3.    Ногоон, ягаан, цэнхэр өнгөтэй 3 чандмань нь Эрт, эдүгээ, ирээдүй цагийг бэлгэдсэн хүслийг хангагч чандмань эрдэнийг илэрхийлнэ. Хүслийг хангагч чандмань эрдэнэ нь тус суманд ажиллаж амьдарч байгаа бүх иргэдийн хүсэл тэмүүлэл, зорилго, зорилт санаа бодол сэтгэлчлэн бүтэхийг бэлэгдэнэ.

4.    Шар хүрээнд байгаа түмэн насан хээ нь тасралтгүй үргэлжлэн хөгжин дэвших ирээдүйг бэлгэднэ.

5.    Дунд хэсэгт байгаа гурван уул нь Тост, Нэмэгт, Хүрэн хана гэсэн гурван уулс хөвч, гол, газар нутгийг бэлгэднэ.

6.    Дэвсгэрийн цэнхэр өнгө нь иргэдийн сэтгэл нь хязгааргүй, цэнхэр тэнгэр мэт мөнхөд ариун байхыг бэлгэднэ.  

7.    Ногоон хэсэг нь байгалийн унаган төрхийг хадгалахыг бэлгэднэ.

8.    Шаргал элс нь говь нутгийг илэрхийлнэ.  

9.    Шавхагдашгүй баялаг болох  мал аж ахуйг төлөөлүүлэн тэмээг оруулсан.  

10. Түмэн насан хээтэй хүрээн дотор аймаг сумын нэрийг хөх өнгөөр бичнэ.