2016.05.15-ны өдөр "Мэргэжил бүхэн сайхан" хэлэлцүүлгийг ИТХ, ЗДТГ-аас хамтран ЕБС-ийн ахлах ангийн сурагчдын дунд зохион байгууллаа. Хэлэлцүүлэгт үе үеийн төлөөллөөс урилгаар геологич Г.Тунгалаг, Урт багийн ИНХ-ын дарга А.Нямцоо, Сувилагч А.Мөнхтүвшин, Аварга малчин С.Сугир, ХЦ-ийн ангийн төлөөлөл Хосбаяр, ЕБС-ийн сургалтын менежер Ц.Одонбаяр, Уурхайн төлөөлөл Гүнбат, Амгалан, Соёлын төвийн эрхлэгч Ц.Цолмон нарыг оролцууллаа. Мөн ИТХ-ын дарга Б.Дэжид, ЗДТГ-ын дарга Ц.Сумъяа нар оролцож мэргэжлийнхээ онцлогийг танилцууллаа. Хэлэлцүүлэгт оролцсон сурагчид сонирхсон асуултаа асууж хариулт авлаа.